Thaka Gaya Hai Musalsal Safar Udaasi Ka....

Mujhey Bujha Dey, Maira Dard Mukhtasar Kar Dey
Magar Diye Ki Tarah Mujh Ko Mo’atbar Kar Dey

Mairi Talaash Ko Be-naam-o-Be-safar Kar Dey
Main Tera Raasta Choroon To Dar-ba-Dar Kar Dey

Judaaiyon Ki Ye Raatein To Kaatni Hongi
Kahaaniyon Ko Koi Kaisey Mukhtasar Kar Dey

Terey Khayaal Ke Haathon Kuch Aisa Bikhra Hoon
Ke Jaisey Bacha Kitaabein Idhar-Udhar Kar Dey….!!

aik mien hi nahi awara phira shaam k baad
wo bhi wehshat mien giraftaar mila shaam k baad

ranj kaisay meri ankhon mien sukhan ghoal gaiyie
abr kiya kiya na udasi ka khula shaam k baad

raat guzray gee na phir baad e saba aaiyie gee
shaq der shaq ye kehti thee hava shaam k baad

zindegi tu nay mera saath diya hai laikin
zindegi tu mujhay lagti hai saza shaam k baad

bohat takleef daita hai..................

kisi ko al-widah kahna bohat takleef daita hai
umeedain toot jati hain
yakeen pay bay yakeeeni ka kohar kuch aisa charta hai
dikhai kuch nahi daita sujhai kuch nahi daita
dua kay lafz honton pay musalsal kapkapatay hain
kisi khawahish kay andaishay zahan main dor jatey hain
gumaan kuch aisa hota hai kay jaisay mil na pain gay
yeh gahray zakhm furkat kay kisi say sil na pain gay
kabi aisa b ho ya rab !to duaaain man laita hai
tu koi mojaza kar day tu aisa kar b sakta hai
mairay hathooon ki janib daikh inhain to ghar b sakta hai
judai ki ye teekhi dhar diloon ka khon karti hai
judai ki aziat say maira dil ab b darta hai
judai do ghari ki ho to koi dil ko samjay
judai char pal ki ho to koi dil ko bahlay
judai umar bhar ki ho to kia chara karay koi
kay ik milnay ki hasrat main bhala kab tak jiaay koi
mairay MOLA karam kar day tu aisa kar b sakta hai
mairay hathoon ki janib daikh tu in ko bhar b sakta hai