Urdu Poetry / Shayari
Would you like to react to this message? Create an account in a few clicks or log in to continue.

Urdu Poetry/Shayari Community Offers: Largest collection of Urdu Poetry or Shair o Shayari, Urdu Books, Urdu Adab, Tanz O Mazah, Islamic Articles, Discussion Corner, Full Time Masti, Gup Shup, Mohabat Kadah, Jokes n Jokes, Kitchen Corner & many more...


~*~ Raat Ka Pichla Pehar ~*~

2 posters

Urdu Poetry / Shayari :: Urdu Adab :: Urdu Writer's Club

Go down

~*~ Raat Ka Pichla Pehar ~*~ Empty ~*~ Raat Ka Pichla Pehar ~*~

Post by aloNe iN DaRk Mon Sep 15, 2008 11:59 pm


Band kamra hai..! Aish tray cigeratton say bhari hai aur aik sulagta huwa cigerate mairey haathon ki ungliyon mein daba hai ..! Halkey say kabhi honton tak jaata hai to kabhi waapis phir ussi jagah par..! Khirrki khuli hai hawa ka to guzar shayad nahin hai par haan main tanha baitha door aasman par kharrey uss tanha chaad ko tak raha..! Soch Raha hoon ye bhi kitna tanha hai kitna majboor kitna la-chaar kitna be-baas..! Ke iss ka kaam yoon hi sada tanha kisi ki roshni ley kar jaltey rehna hai..! Ke iss ke daag kis qadar hain par itni dooor say baitha main iss ke daagh nahin daikh sakta..! Nahin daikh sakta ke jaaney kyun iss chaand par ye daagh hon gey..! Log to tashbeehein detey hain apney mehboob ko iss chand say aur ye to iss qadar daagh daar hai jo khud ko daikhey to shayad phir dobara na daikh paaye..! Kyun....! Koi nahin jaanta..! Phir sochta hoon main kaisi sochon mein parra hoon..! Kyun koi na koi baat koi na koi khayal aaye din mujhey satata hai..! Ikk kaaley zahreeley naag ki tarah phan phailaye mairey seeney par dang marta hai..! Main dard say chilaoon bhi to koi mairi aawaaz nahin sunta..! Koi jaan hi nahin paata ke kya hai ye sab..! Aur main..! Mein khud iss roz-o-shab ke azaab say tang hoon magar haan shayad abb mujhey acha lagney laga hai..! Acha lagney laga hai yoon tanha rehna khud say baatein karna aur shayad acha lagney laga hai aisey hi khud ko azaabon mein ghira daikhna..! Acha lagney laga hai yoon hi aisey raaton mein yoon tanha baithna..! Soch per soch soch per soch aati jaa rahi hai..! Kabhi chand ko daikhta hoon to kabhi khud ko sochta hoon kabhi apney mann ki baat ke raha hoon to kabhi kisi aur ki jaan-ney ki koshish..! Main be-bas ho gaya madhosh ho gaya..! Aur hosh tab aaya jab mairey haath main jal raha cigerate apney aakhri damon par tha aur uss ke aakhri sholey ne mairi ungliyon ko jala ker...! Ikk naya dard nawaz diya..!!!
aloNe iN DaRk
aloNe iN DaRk
Administrator

Number of posts : 115
Registration date : 2008-09-01

Back to top Go down

~*~ Raat Ka Pichla Pehar ~*~ Empty Re: ~*~ Raat Ka Pichla Pehar ~*~

Post by Lny Tue Sep 16, 2008 12:33 pm

aloNe iN DaRk>>>DEEP THOTS.... study
Lny
Lny
Junior Member
Junior Member

Number of posts : 69
Location : RWP
Registration date : 2008-09-05

Back to top Go down

Back to top

- Similar topics

Urdu Poetry / Shayari :: Urdu Adab :: Urdu Writer's Club

 
Permissions in this forum:
You cannot reply to topics in this forum