Tlism-e-Ishq Tha Sab Uss Ka Saath Honey Tak....

by aloNe iN DaRk Tue Sep 09, 2008 5:08 am

Tlism-e-Ishq Tha Sab Uss Ka Saath Honey Tak
Khayal-e-Dard Na Aaya Nijaat Honey Tak

Mila Tha Hijr Ke Rastey Mein Subah Ki Manind
Bicharr Gaya Tha Musafir Say Raat Honey Tak

Ajeeb Rang Badalti Hai Uss Ki Nagri Bhi
Har Aik Nehar Ko Daikha Faraat Honey Tak

Woh Iss Kamaal Say Khaila Tha Ishq Ki Baazi
Main Apni Fatah Samajhta Tha Maat Honey Tak

Hai Ista'ara Ghazal Uss Say Baat Karney Ka
Yehi Waseela Hai Abb Uss Say Baat Honey Tak

Main Uss Ko Bhoolna Chahoon To Kya Karoon 'Adil'
Jo Mujh Mein Zinda Hai Khud Mairi Zaat Honey Tak ....!!