Rag-o-pay me dard sama chuka,aye tabeeb mujko dawa na de

by sqabmemeanr Mon Oct 19, 2009 4:15 am

==================== ==================== ===========

Rag-o-pay me dard sama chuka,ae tabeeb mujko dawa na de
main andhairay pan ko hu'n janta,muje tu faraib-e-baqa na de

mere rub tu malik-e-do jaha'n,kabi bat sun mere qalb ki
wo hi baat jo na koi sunay,muje koi aisi saza na de

tu gaye dino'n main jo sath tha,mere qalb-o-ja'n ka sabbat tha
ye bila waja tera roothna,meri zindgi ko mita na de

wo jo umr thi zara kaam ki,wo tarap tarap k guzaar di
magar ab to dard ilaj ha,muje ab koi b shafa na de

tere samnay mere hum-nafs,meri dharkano'n ki bisaat kya
tera is terha muje dekhna,kahi'n meri umr ghata na de

tujay ilm ha ae tbeeb-e-ja'n,tera pyar meri hayaat ha
main mareez hu'n tere qurb ka,muje door rah k dawa na de

yaha'n sub andhair perast ha'n,yaha'n roshni ki mijaal kya
yeh chiragh phr b chiragh ha,koi atay jatay bujha na de.....

==================== ==================== ===========