sitam mai kaun kare ga muqabla uska

by sqabmemeanr Mon Oct 19, 2009 3:37 am

sitam mai kaun kare ga muqabla uska
k zakhm bharta nahee'n hai dia huwa uska

usool par wo muhabbat ko waar baithha tha
alag tha sarey jaha'n se muamla uska

mujhey hai moja e toofa'n ka darr usey kyu'n ho
safina uska, bhanwar uska, Na Khuda uska

andheri shab jisey sotey mai chhorh aaya tha
mai dinn chharhe karoo'n kiss tarha samna uska

wo rubaroo merey anjaan ban gaya kaisa
mai dekh dekh k haira'n hoo'n, hausla uska

jo tujh pe apni wafain luta gaya chup chap
kabhi khayal bhi aaya, ai be wafa uska

"ye raah chhorh chuka hoo'n" wo jhoot kehta tha
abhi bhi raah pe taaza hai naqsh e paa uska
k zakhm bharta nahee'n hai dia huwa uska

usool par wo muhabbat ko waar baithha tha
alag tha sarey jaha'n se muamla uska

mujhey hai moja e toofa'n ka darr usey kyu'n ho
safina uska, bhanwar uska, Na Khuda uska

andheri shab jisey sotey mai chhorh aaya tha
mai dinn chharhe karoo'n kiss tarha samna uska

wo rubaroo merey anjaan ban gaya kaisa
mai dekh dekh k haira'n hoo'n, hausla uska

jo tujh pe apni wafain luta gaya chup chap
kabhi khayal bhi aaya, ai be wafa uska

"ye raah chhorh chuka hoo'n" wo jhoot kehta tha
abhi bhi raah pe taaza hai naqsh e paa uska