Shohar Kya Kehtey Hain ???

by aloNe iN DaRk Sun Sep 07, 2008 5:22 am

Agar aik typical shohar say uss ki Biwi ke baarey mein poocha jaaye, aur agar woh shayari mein jawab dey to kya jawab dey ga, mulahiza keejiey...

Q: Kya aap apni Biwi ko achi tarah samajhtey hain? Kya aap donon mein understanding hai?

Inn Aurton Ko Samajney Mein, Poori Umar Laagey Hai
Baat Mairi Kab Suney, Bas Apni Hi Woh Haankey Hai

Zindagi Kaisey Guzrey Gi, Woh Zindagi Jo Mairey Aagey Hai
Uss Aurat Say Mainey Shadi Ki, Jiss Say Shaitan Bhi Panah Maangey Hai ....

Q: Oh ye to bohat afsos ki baat hai. To aap ke khayal mein Biwi ko kaisa hona chahiye ke shohar khush rahey ?

Kisi Larrkey Say Jaan Pehchaan Na Ho
Koi Lamba Chorra Khandaan Na Ho

Jiss Ke Haathon Pitney Ka Imkaan Na Ho
Kuch Zyada Hi Pehalwaan Na Ho

Kahana Pakaney Say Anjaan Na Ho
Bachey Sanbhalney Say Pareshaan Na Ho

Rob Jharrney Ka Armaan Na Ho
Aur Moonh Mein Do Gaz Ki Zabaan Na Ho

Q: Kiya aap apni Biwi ko khoobsurat aur attractive samajtey hain ?

Mairi Biwi Aattey Ki Bori Na Hoti
Dieting Agar Uss Ne Chorri Na Hoti
Fair & Lovely Agar Lagaya Hota
To Kya Aaj Woh Bhi Zara Gori Na Hoti?

Q: Aap doosri Aurton aur Biwion ko koi naseehat karna chahein gay, Kuch Kehna chahein gey ?

Kya Kahein Unn Dehshat Gardon Ko?
Nishana Bana Rakha Hai Mardon Ko
Tashadud Ka Roz Shikar Hotey Hain
Khuda Hi Rokey Inn Shidat Pasandon Ko .....